Mboengqneix, Sanhgyangh Dung- cuz Swciyen Dungzloz Myauzcuz Yangh Gauhvuj Cunh banh “fatyiengz minzcuz vwnzva·coicaenh minzcuz doxgiet·bangrengz vut gungz gunggeng” bek- singq senhgyangj hozdung, baengh vwnzyi comzyienj hingzsik, netsaed haiguh gangj gij cwngcwz minzcuz doxgiet cinbu, coicaenh minzcuz yangh onjdingh huzndei hwngfat.

Vwnzyi biujyienj yienhciengz, cezmuz neiyungz fungfouq, diuqfoux、ciengqgo、dohyeh daengj cezmuz ndeiyawj doxlwnz hwnj daiz yienj, ndaej daengz bouxyawj haenh.

Hozdung lij laeb le gangj cihsiz lijlun, cienmonz gangjgej gij cwngcwz vut gungz gunggeng、gaijndei dinyouz- caz、ancienz fuengz feiz aenmbanj daengj mizgven cwngcwz cihsiz, yungh gij hingzsik yienhciengz hoizdap, saedyienh doxdoeng ndei raeuh, hawj gyoengq vunzlai roxyiuj vut gungz gunggeng、gaijndei dinyouzcaz daengj gak hangh cwngcwz leih beksingq. Doengzseiz laeb aen daiz camcaz cihsiz minzcuz doxgiet, fat gij swhliu senhconz hawj vunzlai daeuj caeuqfaenh hozdung haenx, hawj gij swhliu senhconz minzcuz doxgiet cienz haeuj ranz beksingq bae, hawj minzcuz cwngcwz caeuq faplwd fapgvi cihsiz haeujlaeg simvunz, yungzhaeuj ndwenngoenz guhhong ngoenznaengz bae, coicaenh gak hangh minzcuz doxgiet caezyouq, caezcauh ndawbiengz onjdingh huz- ndei.

Lai bi doxdaeuj, Dungzloz Myauz- cuz Yangh cienzmienh gvancez doek- saed gij minzcuz cwngcwz dangj, hawj gij gvanhaeh minzcuz yienghmoq sevei cujyi bingzdaengj、doxgiet、doxbang、huzndei mboujduenh gyamaenh caeuq hwngfat. Bi 2018, aen yangh neix haiguh lai gvaengxlaengx、lai caengz、lai yiengh doxlienz cingzngeih caezcauh hozdung, dingjmaenh gij guhhong lohnaemj “byaij okbae: Giemhaw hag senhcin diemjhingz, daiq haeujma: Giethab saedsaeh, lingzvued hag yungh”, laebdaeb dawz “gyalaeg minzcuz dox- giet, caezcauh Mbanjmyauz huzndei” yungzhaeuj ngoenznaengz guhhong bae.

(Vuz Gozcungh)