●Ndwen 2 ngoenz 15 daengz ngoenz 16, Denh- ngoz Yen Luzbaiz Cin Nazdung Cunh banh ciet vwnzva minzsuz goepgvej Bouxcuengh Dahhoengz bi gvaq mbat haenx. Vunzlai Bouxcuengh dangdieg dawz goepgvej dangguh saenz daeuj caeq, nyinhnaeuz goepgvej ndaej guenj fwn rumz byaj，doenggvaq banh ngoenzciet caeq saenz maqmuengh fwn yinz rumz swnh、haeuxgwn fungsou, hawj daengx ranz doxndei an’onj.

(Yangz Vaizyij)

●Mboengqneix, Bingz- goj Yen Veigigiz cujciz gak danvih ywbingh haiguh hong senhconz gyauyuz caeuq baizcaz yawhfuengz yizyangj- vadan dengdoeg, bouxguh- hong gangjgej gij yienzaen、sienghaih、yienghbingh yiz- yangjvadan dengdoeg hawj vunzlai, caemhcaiq son gouqgip dem, maedsaed gyagiengz gij ancienz yisiz vunzlai.

(Vangz Danh)

●Mboengqneix, boux senhconz Aen Doih Gouq- bang Miedfeiz Denzlinz Yen bae daengz camhci yinhhek ndaw yienh, dawz fuengz feiz cihsiz manva、ceksaw senh- conz miedfeiz、faplwd fapgvi miedfeiz daengj swhliu senhconz fat hawj bouxhek caeuq bouxguhhong camhci, caemhcaiq naihsim gangjgej gij ciengzsik ndaw ranz fuengz feiz、gij dinfwngz fuengz feiz mied feiz caeuq gij fap yungh deng doxgaiq miedfeiz daengj hawj caezgya.

(Leiz Bingz)

●Ndwen 2 ngoenz 18 banhaemh, Hozciz Si Ginh- cwngzgyangh Gih banh aen vanjvei lienzvuen vunzlai cieng cibngux bi 2019, vanjvei biujyienj neiyungz lai, miz ciengqgo、siujbinj、diuqfoux daengj, yungh gij fuengsik vwnzyi lienzvuen, caux ok le gij heiqfaenh ngoenzciet angqyangz huz- ndei, hawj vunzlai ndaej roxnyinh vuenyungz, hix vih Ginhcwngzgyangh Gih vut gungz gunggeng daengj gak hangh saehnieb gyalai le cingsaenz doenghlig.

(Yangz Denhyij)