Bi 2019 dwg Cunghvaz Yinzminz Gunghozgoz laebbaenz 70 hopbi caeuq Yinzminz Cwnghez laebbaenz 70 hopbi, dwg bi youqgaenj cienzmienh hwnqguh baenz aenbiengz siujgangh, saedyienh aen moegbiu haenqguh bak bi daih’it, dwg bi daih’it cienzmienh doeksaed gij canloz ak soujfuj, doengzseiz hix dwg 《Aen Diuzlaeh Hong Saw Vah Minzcuz Vunznoix Guengjsae》 hengzguh ndaej hopbi ndeu. Bi 2019 Namzningz Si “song hoih”——Hoihhung Daibyauj Yinzminz Gaiq Daihcibseiq Namzningz Si Aenhoih Baez Daihseiq、Aenhoih Cungguek Yinzminz Cwngci Hezsangh Aenhoih Baez Daihseiq Gaiq Daihcib- it Namzningz Si Veijyenzvei youq ndwen 2 ngoenz 14 daengz ngoenz 18 youq Namzningz swnhleih hai sat, hoihbiu “song hoih” baez nduj caez yungh Cuengh Gun song cungj saw, ndaej daengz boux yinzda daibyauj caeuq cwnghez veijyenz camgya hai hoih, caeuq ganbu ginzcung gak cuz daengx si haenhndei.

Ciengzgeiz doxdaeuj, Namzningz Si yinzda、cwnghez gig yawjnaek hong minzcuz caeuq minzcuz vunznoix, gig gvansim caeuq haeujcoengh hong saw vah minzcuz. Bi 2015, Namzningz Si Yinzda Cangzveijvei dawz guenjleix ndawbiengz yungh Sawcuengh dingh baenz aen hanghmoeg nienzdoh fapgvi deihfuengsingq laebfap diuyenz, Namzningz Si Yinzda Cangzveijvei Minzcuz Vazgyauz Cunghgyau Veij- yenzvei、Si Minzcunghveij、Si Fazciban、Si Minzyijveij mizgven bouxfucwz gapbaenz cujdiuyenz bae Yinznanz、 Gveicouh diuyenz damqcaz hong laebfap saw vah minzcuz, yaek dawz cwngfuj gveicangh 《Banhfap Guenjleix Ndawbiengz Yungh Sawcuengh Namz- ningz Si》 seizneix hengzguh haenx hwnjswng baenz fapgvi deihfueng- singq, dinghmingz caeuq gveihfan gij gvaengxlaengx、gveihfan yungh Saw- cuengh Vahcuengh, cungfaen fatok gij cozyung cawjdaej si cwnghez cangzveij caeuq veijyenz, gaemdawz caeuq roxyiuj gij cingzgvang doihengz yungh Sawcuengh daengx si caeuq gij hojnanz caeuq vwndiz hengzguh《Banhfap Guenjleix Ndawbiengz Yungh Saw- cuengh Namzningz Si》 bungz daengz haenx, vih gvancez doeksaed gij cwngcwz saw vah minzcuz vunznoix、cauhlaeb gij ndwenngoenz vahgangj lai cungj vah huzndei、doicaenh gij saeh- nieb minzcuz doxgiet cinbu okrengz. Bi 2017, Namzningz Si Yinzda Cangz- veijvei aeu 《Banhfap Guenjleix Ndaw- biengz Yungh Sawcuengh Namzningz Si》 liedhaeuj Namzningz Si haj bi coglaeng deihfuengsingq laebfap gviveh.

(Veiz Yinjsenz）