Ndwen 12 ngoenz 22 dwg liggaeuq cietheiq doengceiq, Liujcouh Si Yungzsuij Myauzcuz Swciyen banh nienzhoih Yauzcuz yozvei. 200 lai boux beixnuengx Yauzcuz daj gak yanghcin daeuj haenx ndang daenj buhvaq minzcuz moqsag, doxcomz youq giz ndeu, ciengq Fwenyauz、diuq Fouxyauz caeuq biujyienj gij yizsi baenzranz Yauzcuz gaeuqgeq, ciengqgo diuqfoux caezcaemh angqhoh doengceiq. Ndaw doz dwg geij boux mehmbwk Yauzcuz ciengq Fwenyauz.(Lungz Linzci/龙林智)