Ndwen 12 ngoenz 17 banhaemh, “aen gunghcwngz cien mbanj fanh ranz vwnzyi leih lwgminz”——Angqhoh gaijgwz hailangh 40 hopbi、swcigih laebbaenz 60 hopbi Baksaek Si mbanj vwnzyi ranz vwnzyi doxcomz yienjheiq youq Swnhlinz Gvangjcangz aen si neix banh.

Mwh yienjok, canghheiq ndaw- biengz mbanj vwnzyi ranz vwnzyi daj Bingzgoj、Lungzlinz、Nazboh daengj 10 aen yienh(gih) daeuj haenx, yienj le gij cezmuz vwnzyi fwenleux Bouxcuengh、naenghciengq betyaem、heiqmoegyou、Heiqcuengh daengj gig miz daegsaek minzcuz dangdieg haenx, gyoengqde yungh gij vah depgyawj vunzlai caeuq gij hingzsik vwnzyi yiengh- siengq sengdoengh danqhaenh ndwen- ngoenz moq、fatyiengz gij vwnzva cienzdoengj, yungh gofoux angqyangz caezcaemh angqhoh gaijgwz hailangh 40 hopbi、swcigih laebbaenz 60 hopbi. Yienjok cezmuz fungfouq lai yiengh, ndaej daengz bouxyawj bekfwngz nyauznyauz.

Ciuq cam rox, “aen gunghcwngz cien mbanj fanh ranz vwnzyi leih lwgminz” dwg gij binjbaiz hanghmoeg cungdenj vwnzva leih lwgminz Swcigih Vwnzlenz saedhengz doicaenh haenx, muzdiz dwg doenggvaq haeujlaeg laebdaeb haiguh hozdung vwnzyi leih lwgminz, cauxlaeb hwnj aen dijhi swnjcienz vwnzva cienzdoengj maenh- ndei. Geij bi neix daeuj, aen si neix vwnzlenz yawjnaek aeu baujhoh swnj- cienz feihyiz caeuq “aen gunghcwngz cien mbanj fanh ranz vwnzyi leih lwgminz” dox giethab, bangcoengh aenmbanj miz giekdaej dajcauh gij binjbaiz feihyiz, fugsaeh lajmbanj ginghci ndawbiengz hwngfat, mbouj- duenh hawj vunzlai ndaej vuenyungz.

(Luz Sih)