● Geij bi neix daeuj, Hozciz Si Yizcouh Gih Daih- it Siujyoz dawz swnjcienz feihyiz vwnzva dangguh hangh neiyungz sonhag youqgaenj hagdangz doicaenh minzcuz gyauyuz、gyagiengz minzcuz doxgiet ndeu, daegbied dwg vatcimh cingjleix fwen Liuz Samcej riuz youq dangdieg haenx, caemhcaiq son’gyauq hawj hagseng bouxcoz nyez- rauh gak cuz, hawj de baenz “binjbaiz dijbauj” ndaw hag daegsaek minzcuz gyauyuz.

(Linz Siuhniz)

● Bi 2008 ndwen 9 doxdaeuj, Liujcouh Si daiq- daeuz youq lajmbanj hagdangz yivu gyauyuz Sanhgyangh Dungcuz Swciyen saedhengz aen gunghcwngz “donq ngaiz mbouj aeu cienz”, youz cwng- fuj ok ngaenz, hawj hagseng gungzhoj moix ngoenz cungj ndaej gwn donq ngaiz singj- sien. 10 bi doxdaeuj, “donq ngaiz mbouj aeu cienz” gaenq leih daengz lwghag Mbanj- dung 80 lai fanh vunzbaez, hawj dingzlai lwgnyez laj- mbanj gwn imq hwnj hag ndei.

(Gungh Bujgangh)

● Mboengqneix, Denz- yangz Yen Yinzminz Cwngfuj cujciz Veigiveij、Gungh- sanghgiz、 Gungh’anhgiz daengj 12 aen danhvei youq dieg senj dieg senj ranz bangfuz gyaranz lauxyieng ndaw yienh, haiguh aen hozdung senhconz cihsiz ancienz ngoenznaengz guh hong gvaq ndwenngoenz bi 2018, doenggvaq baij senh- conz canjbanj、fat swhliu senhconz、yienhciengz camcaz gejdap daengj hingzsik cienz doh ancienz cihsiz hawj vunzlai gaenq senj haeuj gyaranz lauxyieng haenx.

(Vangz Gyangz)

● Ndwen 12 ngoenz 18 banhaet, vunzlai Yauzcuz Mbanjcangbu Mbanjyauz Gunghcwngz doenggvaq gvangjbo、densi、soujgih, dingq、yawj aen daihhoih angqhoh gaijgwz hailangh 40 hopbi. Caezgya doxcomz youq giz ndeu, lwnhgangj gij bienqvaq hungloet henz ndang gaijgwz hailangh 40 hopbi neix, caemhcaiq soengq gij hohfuk caenciet hawj guekcoj.

(Cwng Ciminj)