Ndwen 12 ngoenz 22, Gvangjsih aen nduj bozvuzgvanj seilaeb ndang- daenj minzcuz vunznoix——Aen Bozvuzgvanj “Buh Gaeuq Hwng Moq” cingqsik hai gvanj, caemhcaiq doiq rog hailangh mbouj aeu cienz.

Aen bozvuzgvanj neix youq Gvangjsih Nanzningz Song Gai Sam Hongh Honghginhswh 52 Hauh, cungj- mienhcik daih’iek 380 bingzfangh- mij. Aen bozvuzgvanj neix faen baenz 9 dieg, yungh gij hingzsik aen hoeng- gan ndeu aen cawjdaez ndeu caux ok gij heiqfaenh yisuz, yienh’ok gij ndangdaenj ndei yawj caeuq gij rengz- hoengh hung’ak vwnzva cienz- doengj. Leihyungh gij yiengh baihrog dajcang ciuzlouz hwng daihneix, doed ok gij daegdiemj ndangdaenj minzcuz.

Ndaw gvanj gij doxgaiq yo langh- baij le gij ndangdaenj Cuengh Yauz Myauz Dung seiq aen minzcuz Gvangjsih caeuq hongdawz san、nda、benqsiuq daengj doxgaiq gvaq ndwen- ngoenz yungh, cungjloih lai yiengh, seizgan hamjgyae raez, yisuz funggek mbouj doengz, cawz gij ndangdaenj cienzdoengj minzcuz vunznoix, ndaw gvanj lij baij miz gij doxgaiq miz minzcuz yenzsu dem, hawj vunzlai yienhciengz ndaej roxnyinh gij yinx- daeuz cauhmoq vwnzva minzcuz, hemqheuh engq lai vunz baujhoh、swnjcienz caeuq fatyiengz vwnzva minzcuz. Seizneix, bozvuzgvanj hai- langh hawj vunzlai yawj mbouj aeu cienz, aen bozvuzgvanj neix hai gvanj hix vih Nanzningz soujfuj gyalai dieg bae lijyouz vwnzva moq.(Vangz Yungj)