Gvaq yaep ndeu, song boux de youh ndaejnyi miz cifeiz hai daeuj fofo.

“Gyoengqde gyaep bouxhek naengh youq gwnz aen cifeiz daih’it de ma?” Lwgvuengziq cam naeuz.

“Gyoengqde mbouj gyaep gijmaz ne.”Bouxmbekroen han naeuz, “Gyoengqde miz mbangj youq gwnz ci ninz, miz mbangj youq gwnz de raurumz. Miz gag gyoengq lwgnyez ndaeng dep gwnz dangqgingq yawj baihrog ndwi.”

“Miz gag gyoengq lwgnyez rox ndanggaeuq yaek ra gijmaz go.” Lwg- vuengziq naeuz, “Gyoengqde caemz lwgnyezbaengz, lwgnyezbaengz doiq gyoengqde daeuj gangj cix youqgaenj lai, langhnaeuz miz vunz sing lwgnyezbaengz gyoengqde bae, gyoengqde cix daejnga- nga……”

“Wgo! Gyoengqde gvaigvetgvet, vuenyungz lai!” Bouxbanhdau naeuz.

Ngeihcib Sam

“Mwngz ndei!”Lwgvuengziq naeuz.

“Mwngz ndei!”Bouxguhgaicawx naeuz.

Bouxguhgaicawx neix gai ywhoz- hawq. Moix cou gwn naed yw ndeu roengzbae, cix mbouj rox hozhawq lo.

“Mwngz vihmaz gai doenghgij dox- gaiq neix ne?” Lwgvuengziq cam naeuz.

“Aenvih gyoengqde mbaet seiz ndaej go!” Bouxguhgaicawx naeuz, “Miz canghcien’gya geiqsuenq gvaq, gwn liux yw neix, cou ndeu cix mbaet ndaej hajcib sam faencung bw.”

“Aeu hajcib sam faencung neix guh gijmaz ne?”

“Caih mwngz lo! Yaek guh gijmaz cix guh gijmaz vei……”

Lwgvuengziq vubvubvebveb gag naeuz: “Langhnaeuz gou miz hajcib sam faencung neix, gou cix naihnaih youqvangq youqsoeng byaij bae coh aenmboq……”

Ngeihcib Seiq

Ngoenzneix dwg ngoenz daihbet feihgih doek daeuj ndaw diegsa, ndaejnyi aen goj bouxguhgaicawx seizde, raemx goj gwn liux gvaq, mbouj lw saek caek lo.

Gou doiq Lwgvuengziq naeuz: “Aen goj mwngz mizyinx dahraix. Hoeng, gou caengz coih ndei feihgih, gou mbouj miz raemx gwn lo, langhnaeuz gou youqvangq youqsoeng byaij bae henz aenmboq, gou goj rox angqvauvau dahraix.”

（32）