●Mboengqneix, Denhngoz Yen Fulenz cingj bouxgisuzyenz yienh nungzyezgiz bae daengz mbanj banggungz venjdiemj Bah- muz Yangh Da’gyaz Cunh banh son’gyauq gisuz guenjleix mak- bwzyanghgoj, 50 lai boux ranz dajndaem makbwzyanghgoj aen cunh neix camgya son’gyauq. Bouxgisuzyenz daj ndaem、nda gyaq、lumx namh、coih daet nga、dwk bwnhraemx guenjleix caeuq fuengzceih binghnon daengj fuengmienh, son’gyauq gisuz hawj ranz dajndaem mak.

(Veiz Fungnaz)

●Geij bi neix daeuj, Dungh- lanz Yen Simung Yangh youq mwh guh hong vut gungz gunggeng ciuq mbanj ciuq ranz hengz cwngcwz, cingcinj ok rengz, yungh gij swyenz vanzging caeuq gijndei swnghdai dieg gungzhoj, haenq- rengz hwngfat gij canjnieb daj- ciengx gaeqnohndaem, doenggvaq doengjit fat gaeqlwg hawj ranz- gungzhoj、 doengjit son’gyauq dinfwngz、doengjit soucawx siugai, hawj gij canjnieb dajciengx gaeq- nohndaem baenz diuzroen moq ranzgungzhoj vut gungz baenz miz, rengzrwd doidoengh hong cingcinj banggungz aeundaej cingzcik ndei.

(Vangz Giboh)

●Geij bi neix daeuj, vih hab’wngq gij aeuyungh cingsaenz vwnzva saedceij vunzlai, Nanzdanh Yen haenqrengz hwngfat goeng- iksingq vwnzva saehnieb, haeuj- laeg saedhengz vwnzva leih beksingq gunghcwngz, laebndei vwnzva giekdaej sezsih, fungfouq saedceij vwnzva seizhoengq vunz- lai, vih vunzlai daezhawj gij cingsaenz haeuxliengz fungfouq, hawj vunz lai caezyiengj vwnzva hwngfat cingzgoj, vunz lai mbouj- duenh ndaej vuenyungz.

(Cinz Cunhmyau)

●Bineix doxdaeuj, Lozcwngz Mulaujcuz Swciyen gaenxmaenx haiguh “rumzcin hengzdoengh”“ndwen bangcoh couhnieb”“aen hoih ciu vunz baihdoeng baihsae bangfuz doxgap guhhong” daengj cienciengz hozdung, laebnda aen bingzdaiz gunghawj aeuyungh, bangcoh goengrengz lajmbanj cienjsenj couhnieb, daengz ndwen 9 byai, daengx yienh goengrengz lajmbanj cienjsenj couhnieb gyalai 4100 boux.

(Veiz yuzdai)