Ndwen 10 ngoenz 22, Aenduenz Heiqcuengh Denzlinz Yen Feihyiz Cungsim bae daengz Cejmyauz Yangh Bazcungh Cunh haiguh bang- fuz “fuz sim fuz ceiq fuz dungxcaiz” roengz mbanj ciengq heiq vwnzyi comzyienj hozdung, daiq ciengz heiq ndeiyawj he bae hawj gyoengq bek- singq lajmbanj.

Hozdung yungh gij hingzsik Heiqcuengh vunzlai maij dingq gyaez yawj haenx, doenggvaq gofoux、siuj- binj、vaiqbanj daengj 12 aen cezmuz, senhconz gij cingsaenz Cibgouj Daih dangj, senhconz gij ngeixnaemj Siz Ginbingz sevei cujyi miz daegsaek Cungguek seizdaih moq, senhconz gij cwngcwz banggungz leih beksingq hawj vunzlai. Vaiqbanj 《Gij Cwngcwz Banggungz Dangj Ndei》、 diuqfoux 《Mauxdan Biengzhoengh》、 Heiq- cuengh 《Sauyez Aeu Cienzneij》 caeuq gagciengq 《Gyaez Youq Ndawbiengz》 daengj, aen youh aen cezmuz ndeiyawj doxlwnz hwnj daiz yienj, cugyamq dawz vanjvei guh baenz hoenghhwdhwd bae, 1000 lai boux vunz aen cunh neix caeuq vunz mbanj henzgyawj daeuj yawjngonz, yienhciengz sing dopfwngz caeuq sing hemq angq baenz raq baenz raq. Mwh hai vanjvei, lij gyahaeuj gij cingsaenz Cibgouj Daih dangj caeuq cwngcwz banggungz cihsiz hoizdap dem, vunzlai cungj daeuj camgya nyauznyauz, yienhciengz nauhyied dangqmaz.

（Luz Cidwngz Veiz Yenjcwngz）