Geij bi neix daeuj, Yungzsuij Myauzcuz Swciyen gig yawjnaek bauj- hoh caeuq hwngfat aenmbanj daegsaek minzcuz vunznoix, cungfaen fatok gij cozyung cawjdoengh lijyouzyez youq swnjcienz vwnzva minzcuz、cauh deih- fueng daegsaek、 hwngfat gizdieg ginghci daengj fuengmienh haenx, haenqrengz hwngfat “lijyouz+X” hwngfat vunqsik.

It dwg yungh “lijyouz+nungzyez yienghmoq” vunqsik. Haenqrengz hwngfat vatcimh yiengh gingjsaek swhyienz、yiengh daejniemh nungzyez、yiengh gvaq ngoenzgyaj youqndwi daengj gij vunqsik youqndwi nungzyez daihneix, bangfuz hwnjguh buek mbanj yawjngonz minzsuz、mbanj gvaq ngoenzgyaj youqndwi、suen yawjngonz mbaetsou daengj ndeu, cugyamq guh- baenz youzcet henz singz daejniemh nungzgyahloz、youzcet daegsaek laj- mbanj、youzcet nungzyez gohbuj gyauyuz daengj gij gwzgiz lijyouz youqndwi nungzyez yienghmoq.

Ngeih yungh “lijyouz+daejniemh vwnzva” vunqsik. Cingjhab gij sw- yenz、yinzvwnz、lizsij swhyenz dieg guenjleix, cungfaen dwk ndei lizsij yinzvwnz、vwnzva minzcuz “song mbaw baiz”, laeb ndei lijyouz canjnieb dijhi, gyavaiq lijyouz cienjhingz swnggaep, dajcauh daejniemh vwnzva lijyouz vunqsik moq.

Sam dwg yungh “lijyouz+minzsuz lajmbanj” vunqsik. Hopheux gij moeg- biu hwnjguh dieg guhyiengh lijyouz lajmbanj daengx guek, hableix yungh minzsuz、aenmbanj gaeuq, dajcauh gij lijyouz gingjdiemj miz lizsij ndaejgeiq、gizdieg daegsaek、minzsuz daegsaek, hawj bouxhek ndaej habhoz.

Seiq dwg yungh “lijyouz+dijyuz lienhndang” vunqsik. Hopheux gij moegbiu dajcauh daengxcungq bek- singq lienhndang, doenggvaq ciepbanh mbangj daihhingz dijyuz doxdax, banh mbangj dijyuz doxdax hozdung bonjdieg daegbied gagmiz haenx, binaengz banh ciet aenvenz·max doxdik Yungzsuij, haiguh max doxdik、roeg doxdoj、gaeq doxdoj doxdax, “dwk doengznienz”, daejniemh “hing bya、ngaizbakranz”、seizcou youzcet Mbanjmyauz daengj hozdung, gaenxmaenx gungganq dijyuz lijyouz diemjrongh moq.

(Cinz Cunghdwz)