●Ndwen 10 ngoenz 11, Sihlinz Yen banh bi 2018 Gvangjsih ndawbiengz cujciz (giyez) bangrengz Sihlinz Yen vut gungz gunggeng giensoengq hozdung, sou ndaej Gvangjsih ndawbiengz cujciz(giyez) cienz bang- gungz giensoengq simndei 112 fanh maenz, rengzrwd bangdoi hong vut gungz duet mauh gunggeng aen yienh neix bineix.

(Vangz Yenginz)

●Lozcwngz Mulaujcuz Swciyen gaenxmaenx doi- caenh canjnieb cienjhingz swnggaep, haenqrengz hwngfat canjnieb laeuj raemx. Bineix sam aen geiqdoh gonq, daengx yienh guhsat gveihmoz doxhwnj gunghyez cungjcanjciz 12.44 ik maenz, doengzbeij gyalai 25.28%. Ndawde, laeuj、raemx saedyienh gunghyez cungjcanjciz 8.57 ik maenz, ciemq 68.9% daengx yienh gveihmoz doxhwnj gunghyez cungjcanjciz.

(Veiz Yuzdai)

●Ndwen 10 ngoenz 13, Laizbinh Si Hinghbinh Gih Cizdung Yangh Sedouz Cunh banh ciet gingq bouxlaux gaiq daihbet lienzvuen. Cingj 280 boux bouxlaux gwn ngaiz, gingq caz gingq laeuj hawj bouxlaux, caemhcaiq fat cienz nailaux caeuq soengq gij huqlaex ngoenz- ciet hawj bouxlaux, hawj gyoengq bouxlaux roxnyinh bannomj gvansim gyaezmaij gyoengqde.

(Veiz Yungzmingz)

●Vih caenh’itbouh gaijndei lajmbanj gyaudoeng giekdaej sezsih diuzgienh, doicaenh haiguh hong vut gungz gunggeng, bineix Cungzcoj Si Gyanghcouh Gih Gyanghcouh Cin Dangjveij Cwngfuj gaenxmaenx yiengq bouhmonz gaep baihgwnz ceng’aeu cinjcing bang- gungz coihguh dajndongj roen hanghmoeg. Seizneix, aen cin neix gungh miz 8 diuz roen banggungz cingq coih, leih daengz Baujanh、Nazmwj、Mbanjbei、Nazcinh、Luzliuz daengj cunh.

(Vwnz Sih)