Geij bi neix daeuj, Denhdwngj Yen gaenxmaenx leihyungh gingh- dungh、suhningz yigou daengj densangh bingzdaiz, dazyinx canghseng’eiq caeuq bouxguhnaz haiguh youq gwnz muengx guh gaicawx, caemhcaiq cujciz giyez caeuq hozcozse doengzcaez gyoebguh aen lenzmungz densangh doxgaiq reihnaz, mboujdan bangcoh densangh giyez ndaej huq lai, youh gya’gvangq diuzroen gai doxgaiq reihnaz. Bineix ndwen 1 daengz ndwen 8, daengx yienh guhsat gwnz muengx gaicawx 1800 lai fanh maenz.

Vih riengjvaiq doicaenh hong denswj sanghvu, Denhdwngj laebbaenz aen siujcuj lingjdauj guhhong denswj sanghvu haeuj lajmbanj, gaenxmaenx doicaenh hong hwnjguh aen bingzdaiz dijhi aen yienh guhyiengh denswj sanghvu haeuj lajmbanj, haenqrengz haeujcoengh aen bingzdaiz lajmbanj youzlozgou youzcwng gunghswh、aen bingzdaiz Cungguek yinzsou leih ndwenngoenz caeuq aen bingzdaiz Aen Gunghswh Gyahloz Swnghdai Denh- dwngj Yen daengj densangh giyez seizneix miz haenx gyalai yezvu, seizneix gaenq hwnjguh sat 13 aen yanghcin muengxdiemj fugsaeh caeuq 124 aen cunh gaep dieg doxgap densangh.

Vih hawj gyoengq bouxhek moek- unq cawx doxgaiq, Denhdwngj Yen cungdenj hwnjguh doxgaiq reihnaz biucinjvaq, seizneix gaenq cucwz binj- baiz biuhauh 15 aen, doengzseiz, hwnj- laeb doxgaiq reihnaz caetliengh ancienz ragoek hidungj, seizneix gaenq miz 2 aen giyez sawqdiemj hwnjguh doxgaiq reihnaz caetliengh ancienz ragoek hidungj, Denhdwngj lwgmanhdingj- mbwn、dangzrwi、mbawcaz、duh- ndaem daengj 10 lai cungj doxgaiq saedyienh gwnz muengx siugai, ndaej vunzlai haenh.

Vih baujmaenh diuzroen gai doxgaiq reihnaz ndaej doeng, aen yienh neix mboujduenh laebndei vuzliuz dijhi, daengx yienh gaenq miz 15 aen gunghswh vaiqsoengq, 51 aen vuzliuz boiqsoengq giyez, Denhdwngj youzcwng vuzliuz seizneix gaenq laeb miz aen cungsim boiqsoengq aencang vuzliuz denswj sanghvu, youq 106 aen hingz- cwngcunh laeb 106 aen diemj lajmbanj youzlozgou.(Vangz Lilanz)