Mbauq:

Mbouj miz youx guenj ra,

Mbouj miz baz guenj byaij,

Ngoenz daeuj nyangz youx gvai,

Ndaej cwxcaih saeksauh.

Sau:

Mbouj miz youx guenj banh,

Mbouj miz gvan guenj byaij,

Ngoenz daeuj nyangz youx gvai,

Goj hai fwen daeuj doiq.

Mbauq:

Mbouj miz youx guenj ra,

Mbouj miz baz guenj banh,

Ndaej boux baz naengzganq,

Gvaq ndaej danq mbouj daengx.

Sau:

Mbouj miz youx guenj banh,

Mbouj miz gvan guenj daeuj,

Miz boux gvan gapgaeuq,

Bouxlawz daeuj neix youz.

Mbauq:

Mbouj miz youx guenj ra,

Mbouj miz baz guenj daeuj,

Miz boux baz cawj caeuz,

Mbouj aeu you saek yiengh.

Sau:

Mbouj miz youx guenj banh,

Mbouj miz gvan guenj daeuj,

Cij miz mbauq doxcaeuq,

Mbouj ndaej yaeuh gou angq.

Mbauq:

Beix gou ra bouxyah,

Nuengx hix ra giz bae,

Song raeuz daeuj doengzcaez,

Ndaej hawj gou hwnj lae?

Sau:

Nuengx muengh sam muengh

seiq,

Muengh beix ndaej gawq vah,

Ndaej guh beix bouxyah,

Gvanbaz ndiep ciengxlwenx.