Ndwen 8 ngoenz 29, Aen Duenz Bajheiq Guengjsae bae daengz Lungzswng Gak Cuz Swciyen haiguh aen hozdung yienjok haeuj lajmbanj leih minz. Mwh yienjok, gyoengq bouxyienj yungh gij dajdaej netsaed、gij dinfwngz gvenqsug、gij gingniemh fungfouq vih bouxyawj biujyienj baenq deb、bi gien、daeb gyong daengj cezmuz ndeiyawj. Doenghgij cezmuz ndei- yawj neix hawj Lungzswng Minzcuz Cungsim Gvangj- cangz nauhyied hwnjdaeuj, hawj bouxyawj yienhciengz yawj dwk lwgda cungj mbouj yaep, hawj vunzlai ndaej yawj daiz heiq ndeiyawj he. Ndaw doz dwg bouxyienj cingq youq gwnz daiz yienj heiq.

(Banh Cisiengz/潘志祥)