●Geij bi neix daeuj, Nanz- danh Yen dawz hwngfat canjnieb gaujien dangguh canjnieb youq- gaenj gyalai bouxguhnaz souhaeuj、diuzcingj nungzyez gezgou、doidoengh lajmbanj ginghci hwng- fat, onjyamq doicaenh guh mbawien cangqheiq hwngfat, vih boux- ndaem’ien laisou baenz miz daez- hawj baujcang rengzrwd. Ciuq gyoepsuenq, bineix aen yienh neix gungh miz 9 aen yanghcin 41 aen hingzcwng cunh 329 ranz ndaem ien, yawhsuenq daengx bi soucawx ien 2 fanh rap, gyaqcienz dij 2300 fanh maenz.

(Sah Yenzyungj)

●Bineix doxdaeuj, Dasinh Yen dungjcouz anbaiz ngaenzcienz 150 fanh maenz, cujciz yienh gaep yihyen caeuq gak yanghcin veiswnghyen gapbaenz doihfugsaeh yw bingh haiguh aen hozdung “bangrengz vut gungz·soengq yw roengz mbanj”, cwgoemq daengx yienh cienzbouh hingzcwng cunh 1356 aen mbanj. Doenggvaq haiguh yw bingh mbouj aeu cienz、cangq- heiq cihsiz gyangjcoz、 fat gij swhliu senhconz cwngcwz bang- gungz cangqheiq daengj hozdung, mizyauq gaijgez vunzlai yawj bingh hoj、yawj bingh bengz daengj vwndiz.

(Suh Meijsenh)

●Ndwen 8 ngoenz 28, Fuzsuih Yen Cwngfazveij cujciz doihsenhconz fwen youq yienh vwnzva gvangjcangz banh aen hozdung hoih fwen cauhlaeb mbouj miz sezgyau. Ciuq cam rox, baez hozdung neix yungh gij hingzsik bienraiz cienzciengq fwen fanj sezgyau, senhconz cienzdoh fanj sezgyau fapceih cihsiz, hawj gij saedceij vwnzva cingsaenz vunzlai ndaej fungfouq doengzseiz, gya- giengz gij naengzlig vunzlai rox faenbied caeuq dingjdangj sezgyau.

(Moz Liyen)

●Bineix doxdaeuj, Denh- dwngj Yen cietsaed gyalai bued ngaenzcienz hozdung hwnjguh lajmbanj habyouq, gya’gvangq diuzroen couz ngaenzcienz, bauj- maenh ngaenzcienz hozdung hwnj- guh lajmbanj habyouq miz bauj- cang, rengzrwd doidoengh hozdung lajmbanj habyouq miz bouhloh haiguh. Ciuq gyoepsuenq, bineix doxdaeuj, aen yienh neix gyoeb- suenq bued roengz ngaenzcienz hozdung hwnjguh lajmbanj habyouq 2443.16 fanh maenz.

(Luz Linzluj)