8 nyied 22 hauh, Dasinh Yen haiguh aen yizsi gienbang hozdung bi 2018 “Cingz nangq Dasinh simndei banghag doengzsim guh muengh coenghrengz banggungz”.

Dangngoenz, aen yienh neix gungh sou ndaej 174 gya simndei giyez、bouxguhseng’eiq caeuq bouxsimndei gien cienz banghag 81.6278 fanh maenz, gungh hawj 126 boux daihhagseng moq gauj hwnj bwnjgoh hoh gungzhoj guhdangj laebgaj haenx bangcienz. Aen yienh neix yungh gij cienz neix bangcienz boux hagseng gungzhoj gaujhwnj itbwnj haenx moix boux mbatdog hawj bangcienz 6000 maenz, bouxhagseng gungzhoj haujhwnj ngeihbwnj haenx mbatdog hawj bangcienz 5000 maenz, bang doenghboux hagseng ndei gungzhoj haenx gaijgez le saedsaeh hojnanz, ndaej saedyienh le muenghsiengj gouzhag.

(Liengz Gveivah/梁桂花 Cau Yicingh/赵玉清）