8 nyied 10 hauh, Vanzgyangh Mauznanzcuz Swciyen Vujbwzswj Diuqfoux Banbeizyin daiqbiuj aen yienh neix camgya daih cibsam gaiq “miz yiengh dinfwngz” daengx guek bouxcoz lwgnyez dinfwngz densi doxdax langhyienj. Youq aen Dingyienjboq Cungguek Gyauyuz Densidaiz, doihdaiqbiuj biujyienj《Mauznanz Nyeznoz》daj daengx guek gak dieg 150 aen doihdaiqbiuj 170 aen cezmuz ndawde yatyienh okdaeuj, dued ndaej song hangh daihciengj “daengx guek cezmuz ndei senjbaz gihdi” “vadaengngoenz hailangh daengx guek bouxcoz lwgnyez dinfwngz densi langhyienj gimciengj”, son’gyauq lauxsae Liengz Bingh ndaej bingz guh “daengx guek bak giengz dinfwngz lauxsae”.

Ciuq cam rox,“miz yiengh dinfwngz” bouxcoz lwgnyez dinfwngz ndei langhyienj aen hoihhoengh dinfwngz bouxcoz lwgnyez neix dwg dangqnaj aen guek raeuz gaep ceiq sang, youz Cungguek Dinfwngz Gyauyuzgyah Hoihlienzhab、Miz Dinfwngz Daengx Guek Cujveijvei、Cungguek Lwgnyez Yinhyoz Yozvei daengj danhvei lienzhab gawjbanh, cezmuz loihbied faen miz swnghyoz、giyoz、diuqfoux、vah、heiq daengj, vih gyoengq bouxcoz lwgnyez ndiepgyaez dinfwngz haenx dapguh diuz giuz langhyienj dinfwngz he.

(Cwnz Gvanghgoh/陈光科)