8 nyied 23 hauh dwg ciet cawqsawq, Lozcwngz Mulaujcuz Swciyen youq Swjbaj Cin Denhsangh Makitcwx Gihdi gawjhengz angqcoux daih’it aen ciet demsou nungz- minz Cungguek nem bi 2018 Lozcwngz makitcwx canjyez doigvangq gaisau hozdung, caenh’itbouh daezswng daengx yienh binj- baiz makitcwx hawciengz cihmingzdu caeuq yingjyangjliz, bangcoh banggungz canjyez.

Aen yienh neix daj 2012 nienz hainduj, dawz hwngfat canjyez makitcwx caeuq cawqleix sizmozva caeuq vutgungz gunggeng gaenjmaed giethab, okdaiz le cwngcwz bangruz hwngfat canjyez makitcwx, diuh- doengh le vunzlai ndawlueg gij gaenx- maenxsingq hwngfat makitcwx. Dangqnaj, daengx yienh ndaem makitcwx cungj menciz dabdaengz 8 fanh moux, ndawde 3000 lai aen hohgungzhoj camgya ndaem 2 fanh lai moux. Bi 2018 daengx yienh gaenq miz 4 fanh lai moux makitcwx dawzmak ndaej sou, yawhgeiq mak singjsien canjlieng dabdaengz 1.5 fanh dun.

(Mungz Cwnghswh/蒙增师)