Ndwen 8 ngoenz 24, Gvei- linz Si Lungzswng Gak Cuz Swciyen Lungzciz Cin Majhaij Cunh banh “ciet lwgmanh” bi gvaq baez haenx. Beixnuengx Bouxcuengh dangdieg ndang daenj buhvaq moqsag gyaeuget doxcomz giz ndeu, haiguh minzcuz cunzbyaij、fwngzmbaeu mbaet lwgmanh、doxdax faeg lwgmanh、“dak cou” daegsaek hozdung, angqhoh fungsou. Ciuq cam rox, “lwgmanh Lungzciz” aeu Majhaij Cunh guh daiqbiuj haenx aen hung iq yinz、 saek ronghsien、manh hom habngamj, ndaej daengz gyoengq bouxcawx maij, youq bi 2013 ndaej nyinhdingh baenz gij doxgaiq geiqhauh deihleix doxgaiq reihnaz guekgya. Ndaw doz dwg geij boux mehmbwk Bouxcuengh cingq dak lwgmanh.

(Banh Cisiengz/潘志祥)