●Bi 2018 doxdaeuj, Sanh- gyangh Dungcuz Swciyen comz- rengz hwngfat gij canjnieb “doenghnaz iq”, doenggvaq riuzcienj diegnamh、doengjit ndaem doengjit guenj、doengjit gaicawx daengj banhfap, sonyinx vunzlai ndaem duhseiq、lwgmanh raetmoegngaex daengj doenghgo, gung yienzliuh hawj gij canjnieb faenjsae Liujcouh, hawj meh- mbwk Mbanjdung youq “bakdou ranz” couhnieb, saedyienh vut gungz、goq ranz “song mbouj nguh”.

(Gungh Bujgangh)

●Denzdungh Yen dawz gij canjnieb youzcaz dangguh gij fwngzgaem youqgaenj banggungz canjnieb, yungh gij hwngfat vunqsik “giyez+gihdi+ranz- gungzhoj”, cingjhab gij ngaenz- cienz caizcwng nangqdaengz nungzyez, gyalai ligdoh bangfuz cwngcwz, laebguh dieg guh- yiengh doigvangq ndaem faen ndei caeuq dieg guhyiengh gaij ndoeng caz daemq, sonyinx caeuq daiqdoengh ranzgungzhoj camgya, hawj gyoengqde ndaej vut gungz baenz miz.

(Dangh Sezyingz)

●Geij bi neix daeuj, Nanzdanh Yen Yezlij Cin cung- denj dajcauh guh mbawien cungj canjnieb daegsaek neix, doengzseiz aeu de dangguh gij canjnieb youqgaenj cinjcing banggungz daeuj guh. Aen cin neix gibseiz cujciz bouxgisuz ien bae ranz dajndaem ien, bangcoh caeuq sonyinx boux dajndaem guh ndei gauj ien、faengaep、baujguenj、soucawx daengj gak hothoh guh hong. Ciuq cam rox, bineix aen cin neix gungh dajndaem ien 1700 lai moux, yawhsuenq sou ndaej daengz 8 fanh lai rap, souhaeuj daengz 200 fanh maenz.

(Huz Gyahyenz)

●Seizneix, Ginhsiu Yauz- cuz Swciyen baengh gijndei swyenz vanzging, haenqrengz hwngfat youq laj ndoengfaex ndaem ywdoj, mboujduenh diuz- cingj mizgven bangfuz cwngcwz, bineix gveihmoz ndaem ywdoj gyalai riengjvaiq. Ciuq gyoep- suenq, daengz ndwen 8, daengx yienh ndaem ywdoj mienhcik 1766 gunghgingj, beij bi’gvaq daengx bi demmaj 431.93%.

(Cinz Mungjhoj)