Ndwen 8 ngoenz 23, bouh nduj heiqgo minzcuz 《Sam Nyied Sam》 youz gij ngaenzgoek yisuz guekgya laebhangh bangcienz、Aen Heiqyienh Gofoux Cizdonz Yenjyi Guengjsae cauhguh yienj haenx youq Laizbinh Daihheiqyienh yienjok, heiqgo minz- cuz gig miz fungcingz Bouxcuengh ndaej daengz siminz dangdieg angq- coux.

Ciuq cam rox, dangguh gij cingbinj vwnzyi angqhoh Swcigih laebbaenz 60 hopbi ndawde loh he, heiqgo minzcuz 《Sam Nyied Sam》 dwg gij heiqmoeg doiok youqgaenj Aen Cizdonz Yenjyi Guengjsae, riengzdwk yienj baez nduj 《Lohsei Gwnz Haij》《Buhbwnroeg》《Cangcang Vaiq Buet》 daengj gij ngaenzgoek yisuz guekgya daizheiq yisuz cauh- guh bangcienz hanghmoeg neix. Bouh heiq neix lwnhgangj gij goj- gaeq fatseng youq Mbanjdungzguj caeuq Mbanjnazlenz youq laj dinbya Byahajsaek Guengjsae haenx, song aen mbanj gaijfang gaxgonq aenvih ciengj goekraemx giet caeuz. Haujlai bi gvaqbae le, song boux sau mbauq vunz ndaw heiq “fwenvuengz” moq Yihlanz caeuq Mungsanh youq hawfwen “sam nyied sam” doxgyaez. Heiqgo lwnhgangj gij gojgaeq song- de baenzlawz cungbyoengq lanz- laengz, vaqgej gij caeuz song mbanj, ginggvaq muznanh doxndiep dox- gyaez. Bouh heiq neix gaxgonq itcig youq ndaw gih gak digizsi cunzyienj, ngoenz 23 baez nduj daengz Laiz- binh yienj, yienj ciengz he mbouj aeu cienz.

(Ouh Cwngzsinh Mungz Gyahho)