Mboengqneix, aen gunghcwngz dajndongj diuz roenmbanj Dunghlanz Yen Sanhlung Yauzcuz Yangh Sinh- dung Cunh daengz Mbanjlungsanj guhsat doenggvaq niemhsou caemh- caiq ndaej yungh, daengz neix, aen yienh neix gij hanghmoeg ngaenzcienz hwngfat minzcuz vunznoix buek daeuz gaenq miz 8 diuz leih daengz gyoengq vunzlai minzcuz vunznoix. Ciuq cam rox, bi 2018 byonghbigonq Dunghlanz Yen Minzcunghgiz ceng’aeu daengz gaep baihgwnz gij ngaenzcienz hangh- moeg 473 fanh maenz, hengzguh hwnjguh roen doeng mbanjgungzhoj 16 diuz, daengz ndwen 8 ngoenz 22, miz gij gunghcwngz dajndongj roen- mbanj Sanhlung Yauzcuz Yangh Sinhdung Cunh daengz Mbanjlungsanj daengj 8 diuz gaenq doenggvaq niemhsou caemhcaiq ndaej yungh, miz gij gunghcwngz roenmbanj Sanhlung Yauzcuz Yangh Sinhdung Cunh Mbanjgwhbangh daengj 5 diuz roen daengj guhsat caj niemhsou, 3 diuz wnq yawhsuenq byai ndwen ndaej guhsat. Doenghgij hanghmoeg neix swnhleih hengzguh hawj gij vanzging guhhong ndwenngoenz vunzlai ndaej gaijndei yienhda, gungh gaijgez 350 ranz 1536 boux ok rog hoj vwndiz, ndawde ranzgungzhoj 141 ranz 614 boux.

Dunghlanz Yen Minzcunghgiz itcig dawz gij hanghmoeg ngaenzcienz hwngfat minzcuz vunznoix dangguh gij neiyungz youqgaenj hong minzcuz caeuq gij fwngzgaem youqgaenj hong vut gungz gunggeng, vih cungfaen fatok gij cozyung gij ngaenzcienz hwngfat minzcuz vunznoix, aen giz neix giethab “aen cang hanghmoeg banggungz cibsam haj” giekdaej sezsih hwnjguh gviveh, dawz ngaenz- cienz cienzbouh yungh daengz hwnj- guh roen doeng mbanjgungzhoj bae. Doengzseiz, vih gveihfan guenjleix gij hanghmoeg ngaenzcienz hwngfat minzcuz vunznoix, minzcunghgiz aen yienh neix ciuq gaep baihgwnz hanghmoeg guenjleix banhfap, yiemz- gek ciuq bauq、saemjbae、ciubiu douzbiu、ciemdingh guhhong habdoengz、gamleix、guhsat niemhsou、hanghmoeg saemjgeiq gietsuenq daengj ginggvaq hengzguh hangh- moeg, haenqrengz bangdoi hong vut gungz gunggeng(lajmbanj saenqhwng) Dunghlanz Yen.

(Veiz Swng’yang)