Ngoenz mbwn gvengq ndeu, duzdouq iq youq gwnz diegnywj heuswdswd loengh bizgiuz.

Youq mwh duzdouq iq loengh ndaej angqfaengfaeng bizgiuz doek roengz ndaw aen congh laeglaeg bae. Duzdouq iq daejnga’nga hwnjdaeuj, duzlingz iq yawjraen le couh daj gwnz gofaex roengzdaeuj cam: “Duzdouq iq mwngz guhlawz daej lo?”Duzdouq iq siengsim naeuz:“aen bizgiuz gou doek roengz ndaw aen congh ndeu bae.”Yienghneix, duzlingz iq couh yungh fwngz bae aeu aen bizgiuz ndaw congh, hoeng baenzlawz hix aeu mbouj ndaej, duzdouq iq gip dwk diuq hwnj diuq roengz. Sawqmwh duzciengh yawjraen couh cam: “Duzdouq iq baenzlawz lo?”Duzdouq iq danqheiq naeuz:“Aen bizgiuz gou doek roengz ndaw congh bae lo, duzlingz daeggo cingq bang gou aeu.” Duzciengh daxlungz naemj daengz le aen banhfap ndei ndeu, de bae henz dah yungh aen ndaeng ndoet aeu raemx, couh gipmuengz buet daengz henz ndang duzdouq iq aeu raemx guenq roengz ndaw congh bae. Aen bizgiuz couh fouz hwnjdaeuj lo, duzdouq iq angq dangqmaz.

Duzdouq iq gikdoengh dwk doiq duzlingz iq caeuq duzciengh naeuz:“Gyo’mbaiq gyoengqsou.” Yienghneix gyoengqde couh caez vuenvuen heijheij bae loengh giuz lo.

（Ngeih nienzgaep Yangz Yijsinh raiz Dahdingz hoiz）