●Bineix daeuj, Sihlinz Yen doenggvaq haiguh “banggungz cwngcwz gou daeuj gangj”“haemh gangj banggungz coi vut gungz”“soengq dinfwngz roengz mbanj” daengj hozdung, haenqrengz senh- conz banggungz cwngcwz, laeb gij dazyinx fuengyiengq mingzbeg “vut gungz miznaj”, cauh’ok gij heiqfaenh ndei “gaenxguh baenz miz、vut gungz miznaj”, gikfat gij doenghlig baihndaw vunzlai gungzhoj, hawj vunzlai ndaej habhoz lai.

(Veiz Susez)

●Ndwen 7 ngoenz 27, Bak- saek Si dicin bouhmonz youq Swnhlinz Gvangjcangz aen si neix banh geiqniemh “7·28” Dangz- sanh dadicin 42 hopbi fuengz- saenq gemjcai senhconz hozdung. Doenggvaq baij banjbau、fat cek sawswhliu daengj hingzsik cienz- doh fuengzsaenq gemjcai cihsiz hawj siminz.

(Luz Feih)

●Ndwen 7 ngoenz 24, Denz- dungh Yen youq yienh Yinzminz Gvangjcangz banh aen hoih ciu vunz cienciengz Bizgveiyenz dox- gap banggungz Guengjsae Guengj- doeng, ca mbouj lai 50 aen giyez daj Bizgveiyenz、Sinhcin caeuq bonj dieg daeuj haenx camgya hoih ciu vunz, daezhawj 2000 lai aen gangjvei couhnieb, 1000 lai boux vunz gungzhoj lajmbanj daeuj ra hong, miz 117 boux ra ndaej hong guh.

(Maj Yengvangh)

●Denhdwngj Yen gaenx- maenx diuzcingj nungzyez canj- nieb gezgou, sonyinx ranzgungzhoj ndaem makit、makgam、makleiz、nywj daengj daegsaek dajndaem, gyalai gij souhaeuj vunzlai gungz- hoj.

●Yungzanh Yen Banjlanj Cin youq seiz guhhong vut gungz gunggeng, ciuq dieg bae guh, hwngfat swnghcanj, yungh okdaiz bangfuz cwngcwz, laebbaenz aen hozcozse dajndaem dajciengx, son’gyauq dinfwngz dajndaem dajciengx, daezhawj ranzgungzhoj diepsik ciq cienz daengj banhfap, gujli caeuq bangfuz vunzlai gungz- hoj giethab gijndei swnghdai dangdieg, hwngfat youq ndaw raemx saw ciengx byadah, coi- caenh ranzgungzhoj laisou.

(Danz Gaijhingh)