Siengcouh Yen mboengqneix cienzmienh haiguh aen hozdung senhconz angqhoh Swcigih laebbaenz 60 hopbi, mizgven danhvei fat gij senhconz byauhyij angqhoh miz Sawcuengh Sawgun, iugouz youq gak bakroen cujyau、diuzgai cujyau、camhci、diemqlaeuj、gvangjcangz daengj gizdieg hozdung gunghgung youqgaenj, yungh baizgvangjgau goeng’ik、senhconzlanz、LED yenj- sibingz daengj lai cungj fuengsik, venj roxnaeuz nem、ringxdoengh boqcuengq senhconz byauhyij, cauh’ok gij heiqfaenh ndawbiengz naekgywd. Yenveij senhconzbu、vwnzdijgvangjdengiz、cugengiz、gunghsanghcizgenhgiz、minzcunghgiz caeuq gak yanghcin dungjcouz anbaiz hong senhconz, gak siujgih doglaeb、gyanghongh、camhci、yihyen、ngaenzhangz、hagdangz、dieg lijyouz daengj youz gak ciznwngz bouhmonz fucwz, baenz gij senhconz yaugoj diemj mienh caemh yamq、cawjdaez cingcuj. Doengzseiz cujciz lauxhangz maeuzveh oksaw 《Siengcouh Genj- gai》 cek saw neix, haenqrengz senh- conz gij cingzcik Swcigih laebbaenz 60 bi daeuj, daegbied dwg gaijgwz hailangh 40 bi daeuj, Siengcouh gvancez 《Fap Gagguenj Gizdieg Minzcuz》, youq saekloeg vanzbauj caeuq ndaej laebdaeb hwngfat fuengmienh aeundaej haenx.

(Couh Yajyi)