Sengmingh doiq moix boux vunz daeuj gangj, cungj cij miz baez ndeu, caemhcaiq dan miz baez ndeu! Ndigah raeuz daj iq couh wnggai dem’ak gij eiqsik ancienz. Danghnaeuz mbouj miz gij eiq- sik ancienz, gangj mbaeu couhdwg deng sieng, gangj naek couhdwg haephangz daengz sengmingh.

Miz baez ndeu, seizhah hwngq remj ndaej vunz ndat yaek dai, miz boux doengzhag ndeu aenvih mbwn hwngq nyaenx mbouj ndaej lo, de mbouj hawj vunz ndaw ranz rox, couh laeglemx gag boux dog bae daengz Dangzyen apraemx lo, ngamq hainduj ap ndaej gig ndei, de siengj sawq yawj aen mbei bonjfaenh hung mbouj hung, couh menhmenh ap coh giz cungqgyang aenhuz. Sawqmwh aen ga de nyinz- bengq lo, aenndang souh mbouj ndaej caem roengzbae, yienz- naeuz de hemq gouq, hoeng aenvih seizhah gig noix miz vunz okdaeuj, mbouj miz vunz dingq ndaej nyi gij sing hemq gouq de, ndigah couh deng mbaet dai youq ndaw raemx lo.

Lij miz baez ndeu, gou youq gwnz bauqceij yawjraen diuz bauqlwnh baenzneix ndeu: Banhaet ngoenzsinghgiz ndeu, geij boux lwgnyez bae daengz giz dieghong ndeu guhcaemz, gyoengqde yawjraen gizhaenx miz aen gihgi gyauxrin ndeu, raen ndei caemz, ndaw gyoengqde miz boux lwgnyez ndeu gig vaiq couh con haeuj ndaw aen gihgi gyauxrin bae lo, geij boux lwgnyez wnq mbouj rox, hai dienh aen gihgi gyauxrin haenx ok. Caj daengz seiz gyoengqde yawjraen ndaw aen gihgi gyauxrin miz vunz, gaenq ganj mbouj gip lo, duj va ronghsien guekcoj neix couh baenzneix loenq lo. Vunz ndaw ranz boux lwgnyez haenx daengz seizneix lij sim’in yaek dai! Hoeng vunz dai lij dauq lix ndaej ha?

Raeuz aeu insik seng- mingh, dem’ak gij eiqsik ancienz, mboujlwnh guh gij- maz, itdingh aeu bau gij ancienz bonjfaenh. Youq hag- dangz mbouj doxgyaep、mbouj doxdub, hwnj lae dep mbiengj gvaz byaij; youq rog hagdangz mbouj luenh vang- gvaq goengloh, aeu ciuqsouj gij gveihcwz gyaudoeng. Guh boux hagseng vwnzmingz、boux vunz vwnzmingz ndeu.

(sam nienzgaep Lij Cinghgoz raiz Dahdingz hoiz)