Ndwen 7 ngoenz 13, vunzmbanj Sanhgyangh Dungcuz Swciyen Fuzluz Yangh Cinzyaz Cunh cingq hohleix maklozhan ranz bonjfaenh. Youq mwh guh hong vut gungz gunggeng, ranzgungzhoj Fuzluz Yangh Cinzyaz Cunh yungh hawciengz guh dazyinx, doenggvaq cwngfuj siujngeg diepsik daigvanj, haenqrengz hwngfat dajndaem maklozhan, dajndaem mienhcik ca mbouj geijlai 1000 moux, gujsuenq ndaej hawj nungzhoh laisou moix moux 4000 maenz. Ndaw doz dwg vunzmbanj cingq hohleix maklozhan.(Gunj Yicungh/滚亿忠)