●Ndwen 7 ngoenz 10, Lingzyinz Yen youq Cauzlij Yauzcuz Yangh hainduj aen hozdung cunghci bingzanh gense vwnzyi comzyienj haeuj mbanj. Doenggvaq diuqfoux、go、vaiqbanj、ciengj dap faplwd cihsiz miz ciengj daengj vwnzyi cezmuz vunzlai haengj gyaez haenx, dawz cwngfaz、cunghci bingzanh gensez、fuengzre sezgyau daengj neiyungz cienz daengz cien ranz fanh ranz.

(Loz Hihhaij)

●Ndwen 7 ngoenz 10, Laizbingh Si Fulenz cujciz bouxgagnyienh gak hangz ndawbiengz bae daengz Siengcouh Yen Bwzcang Cunhveij、Damanj Cunhveij haiguh fuengz doek raemx senhconz hozdung, hawj gyoengq lwgnyez youq mwh guh’angq hag rox gij cihsiz fuengz doek raemx caeuq banhfap gaggouq.

(Cinz Fuyenz)

●Geij bi neix daeuj, Denhngoz Yen hopheux gij moegbiu dajcauh “aen yienh nungzyez daegsaek”, son- yinx vunzmbanj mbanj- gungzhoj ndaem mak, biek hai hawciengz hoengh, caemhcaiq yungh den- sangh gya’gvangq haw- ciengz, daiqlingx boux- guhnaz gungzhoj buek youh buek byaij hwnj “diuzroen civaiq vut gungz”. Daengz seizneix, daengx yienh ndaem mak “sanh dwz” 18 fanh moux, ndawde mak- maenj 12.3 fanh moux, makdauzyouz 1.8 fanh moux.

(Vangz Mingzfuz)

●Geij bi neix daeuj, Denzlinz Yen Bwzloz Yangh ciuq dieg bae hwngfat, dungyenz vunzlai Bwzloz Cunh、Banjgan Cunh、Bazdung Cunh daengj cunh hwngfat ciengx cwz. Daengz bineix ndwen 6 daej, aen yangh neix miz cwz 5000 lai duz, soqliengh cwz baiz youq daengx yienh baihnaj.

(Vangz Gveiyangh)