Mboengqneix, aen cwngzsi iq veihsin “riengz gou hag gangj vah minzcuz vunznoix” Liujcouh Si Minz- cunghveij haifat haenx hwnjsienq sawqyungh. Lanzmoeg vahyaem “riengz gou hag gangj vah minzcuz vunznoix” yungh Sawgun lied ok 500 aen swz ciengz yungh caeuq 100 coenz vah, faenbied doiqwngq gij fatyaem Vah- bujdungh Vahgun、Vahcuengh deih- fueng Liujgyangh、Vahdung Sanh- gyangh、Vahmyauz Yungzsuij.“Riengz gou hag gangj vah minzcuz vunznoix” faen youq gwnz muengx minzcunghveij lanzmoeg vahyaem、APP soujgih gwzhudonh、aen cwngzsi iq veihsin mbouj yungh cang sam cungj vunqsik doengzseiz yungh, vih vunzlai ndawbiengz youq sienq hag yungh vah minzcuz vunznoix daezhawj fug- saeh.

Aen cwngzsi iq veihsin “riengz gou hag gangj vah minzcuz vunznoix” hwnjsienq sawqyungh, ginggvaq gunghcozginz caeuq gienbaengzyoux cienjfat, ndaej haujlai vunz haenh. Haujlai lingjdauj ganbu foenfoen dawz haeuj sim caeuq sawqyungh, youq minzcungh minzyij hidungj aen si neix yinxhwnj raq heiq hoengh hagsib he. Seizneix aen cwngzsi neix lij dwg duenh sawqyungh, lingjdauj minzcunghveij aen si neix iugouz bouxguenjleix aen cwngzsi haeujsim soucomz gij yigen dijbauj muengxyoux, guh ndei hong geizlaeng coihgaij gaijndei caeuq senhconz doigvangq yungh.

(Lij Yinzciz Cinz Conhvaz)