Vih fatyiengz gij vwnzva conz- dungj maenhndei Cunghvaz minzcuz, gungganq caeuq hengzguh sevei cujyi hwzsinh gyacizgvanh, mboengqneix, Sanglinz Yen Dangzhungz Yangh Sizmwnz Siujyoz banh aen hozdung doxdax yungh song vah doeg saw “sim lwgnyez coh dangj caeuq gyaez caemh byaij” hengzguh sevei cujyi hwzsinh gyacizgvanh, daengx hagdangz 6 aen ban 170 lai boux hagseng camgya doxdax.

Baez hozdung neix yungh ban guh danvih, faenbied yungh Vahbujdungh caeuq Vahcuengh doeg gij damzraih ciuq sevei cujyi hwzsinh gyacizgvanh gaijbien haenx, gyoengq hagseng cingsaenz gvaekgvaek, yiedcingz dangqmaz, youq gwnz daiz gagsaenq daihfueng biujyienj. Cingzgamj fung- fouq gangjok gij gyaez doiq guekcoj、doiq guekgya, caemhcaiq laebceiq yungh gij hengzdoengh saedsaeh bonjfaenh, daj henz ndang guh hwnj、daj saeh iq guh hwnj, caenndang bae hengzguh sevei cujyi hwzsinh gyacizgvanh. Doenggvaq doxdax, miz- yauq daezsang gij naengzlig gangj vah gyoengq hagseng iq, gikfat gij cingz- gamj ngeixnaemj hagseng gyaez guekcoj、gyaez mbanjranz、gyaez minzcuz.

(Lij Dauyungj Fanz Dunghmuz)