hajrumz baezmoq. Mbouj ndaej raen daengngoenz doek- congh de doekcaw lai. De miz di mbwq bae, liux cix doiq guekvuengz naeuz:“Hoiq youq gizneix mbouj miz gijmaz baenzliuh lo, hoiq deuz gonq.”

“Gaej deuz!” Guekvuengz aenvih miz boux lwgminz neix cix ndaenggon fwngjfwngq lailai, naeuz:“Gaej deuz! Gou minghlingh mwngz guh haklaux.”

“Haklaux gijmaz?”

“Haklaux guenjfap.”

“Hoeng gizneix mbouj miz saek boux vunz saemjbuenq ne!”

“Mbouj bw, miz bw.” Guek- vuengz han naeuz, “Gou caengz ndaej liebyawj doh lajbiengz, gou geq gvaq, gizneix youh mbouj miz dieg daengx cimax, byaij roen baeg dangqmaz.”

“O! Hoiq ndaej yawj gvaq.” Lwgvuengziq mbiengj naeuz mbiengj baenq ndang coh baih singgiuz cim liux cim moq. “Baihde caemh mbouj miz saek boux vunz ne.”

“Yienghneix mwngz cix saemj- buenq ndanggaeuq.” Guekvuengz han naeuz. “Saemjbuenq ndanggaeuq hoj dahraix bw. Saemjbuenq ndanggaeuq hoj gvaq saemjbuenq bouxwnq lailai bw! Langhnaeuz mwngz saemjbuenq ndanggaeuq saemj ndaej goengcingq, hauhneix mwngz cix dwg bouxgvai bouxlek dahraix.”

Lwgvuengziq han naeuz:“Hoiq youq gizlawz cungj saemjbuenq ndanggaeuq ndaej, mbouj hoj youq gizneix ne.”

Guekvuengz youh naeuz:“W……W……Youq gwnz aen singgiuz gou miz duz nou ndeu. Gyanghaemh gou ndaej nyi sing de. Mwngz bae saemjbuenq de, buenq de dai goj ndaej. De dai roxnaeuz lix goj caih mwngz buenq. Daeuzvah, mwngz baezbaez cungj deng mienxcoih de, aenvih gizneix miz duz nou dog neix ndwi.”

“Hoiq mbouj ngah saemjbuenq fwx dai ne, gou deuz ndei gvaq.” Lwgvuengziq han naeuz.

“Gaej deuz! Gaej deuz!” Guek- vuengz naeuz.

Lwgvuengziq laemxsim deuz lo, hoeng de mbouj yaek hawj guek- vuengz doeknaiq lai, yienghneix de cix naeuz:

“Langhnaeuz guekvuengz muengh hoiq ei gij minghlingh bae guh,” Lwgvuengziq naeuz, “yienghneix caeuj cix roengz diuz minghlingh hableix ndeu, lumjnaeuz minghlingh hoiq mbouj ndaej nanz gvaq faen cung ndeu deuz, hoiq nyinhnaeuz mingh- lingh habcingz hableix……”

Guekvuengz mbouj guhsing, Lwgvuengziq aengjgyaengj yaep ndeu, liux cix gyangz mbat he, yamq din byaij deuz lo.

“Gou nyaemh mwngz guh daih- sawj.”Guekvuengz swenjyauyau naeuz.

Guekvuengz yawj hwnjdaeuj vifung raixcaix.

Lwgvuengziq mbiengj byaij mbiengj gangjsebseb:“Bouxlaux geiz- heih dahraix!”

Cib It

Youq gwnz aen singgiuz daihngeih miz boux vunz luemjrog ndeu.

“Yo! Yo! Ndei lai bw! Miz boux vunz baiqfug gou ndeu daeuj cunz gou lubw!” Boux vunz luemjrog neix baez yawjraen Lwgvuengziq byaij gvaqdaeuj, lij youq gizgyae’gyae cix hemq naeuz.

Youq ndaw saida bouxluemjrog, bouxwnq cungj gingqbaiq de.

“Mwngz ndei!” Lwgvuengziq naeuz, “Aenmauh mwngz geizheih raixcaix.”（14）