Ciuhvunz raeuz gij vunz aeu gyo- mbaiq miz lailai, raeuz aeu gyo’mbaiq lauxsae gaenxgyaek son’gyauq、 gyo- mbaiq baengzyoux haeujcoengh、doengz- hag bangcoengh, vunzranz caencik gujli caeuq haeujcoengh……mboujgvaq boux- vunz ceiq wnggai gyo’mbaiq dwg bohmeh raeuz, dwg gyoengqde hawj raeuz sengmingh, hawj raeuz aen ranz raeujrub ndeu. Vihneix, doiq gou daeuj gangj, bouxvunz gou ceiq gyo’mbaiq dwg daxmeh.

Daxmeh gou mbouj miz faj naj gyaeundei lumj mingzsingh nei, mbouj miz aen ndang reuxred lumj mozdwz nei, mbouj miz byoemgyaeuj ndaemndwt raeuzrwd. De cijmiz daengx naj nyaeuq- nywd, cijmiz aen ndang cangqcwt, cijmiz byoem- gyaeuj hawqgyo. Hoeng youq ndaw sim gou, de ciengxlwenx dwg ceiq gyaeundei. Yienznaeuz de mbangj seiz doiq gou yiemz, hoeng de dwg vihliux hawj gou ndaej dwk ndei gij giekdaej daengzcog. De mbouj sij ndaej cawx saek geu buh gyaeu, cix naeuz rom cienz hawj gou caeuq daeggo doeg daihhag.

Daxmeh dwg bouxvunz gwnz seiqgyaiq ceiq hung- mbwk、ceiq fouzsei. Dwg daxmeh hawj gou fouq makda ndeu, hawj gou miz mbat seizgei hai da yawj seiqgyaiq; dwg daxmeh hawj gou faj bak raeuzrwd ndeu, hawj gou gangj ok gij vah rwenzred; dwg daxmeh aeu hawj aen ndaeng ndeiyawj, hawj gou nyouq daengz le gij vahom ndawbiengz; dwg daxmeh hawj gou doiq rwz ndeu, hawj gou dingqnyi gij sing- yaem ceiq gyaeundei ndawbiengz; dwg daxmeh hawj gou song faj fwngz lingzgiuj, hawj gou hag rox le raiz mingzcoh bonjfaenh. Miz boux vunz ndeu hawj raeuz rox gyaez dwg geijlai hungmbwk, haenx couhdwg daxmeh. Ndigah, daxmeh, gou caen gig gyo’mbaiq mwngz.

(sam nienzgaep Moz Yij raiz Dahdingz hoiz)