Daxbuz gou yaek caetcib bi lo, de cungj dwg daenj buh gaeuq. Daxgux cawx buh moq hawj de, de cungj dwg yo dwk mbouj daenj.

Miz baez banngaiz ndeu, haeuxngaiz daxbuz cawj mbouj hab bak gou, gou guhnyah mbouj gwn lo. Daengz hagdangz mbouj geij nanz, gou dungxiek ngaungau, aendungx hemqgugu. Gvaq yaep ndeu, daxbuz soengq haeux daeuj hawj gou. Gou gwnguk gwn dwk, doeklaeng lij lw di haeux ndeu, gou yaek raix bae. Daxbuz cix dawz haeux lw cienzbouh gwn liux, itmienh gwn itmienh naeuz: “Yaek insik haeuxgwn ha, naed hanh naed haeux bw.”

Daxbuz, gou yaek yiengq mwngz hagsib, baezlaeng itdingh mbaetgiemh.

(ngeih nienzgaep Ningz Meizdingz)