Daj daegnuengx seng okdaeuj le, daxboh couh nyaengq lai lo.

Doenghbaez cungj dwg daxmeh ciepsoengq gou, seizneix daxmeh youqndwen ok dou mbouj ndaej, ciepsoengq gou couh baenz gij yinvu daxboh lo.

Banhaemh, mwh bang daegnuengx vuenh vaj- nyouh, daxboh umj daegnuengx le, daxmeh cij bang daegnuengx vuenh ndaej. Aenvih daxmeh mbouj miz raemxcij, daegnuengx yaek gwn cij, daxboh couh hwnqdaeuj bang daegnuengx cung naijfwnj. Daxboh haemh ndeu ceiq noix hwnqdaeuj cib baez, miz seiz buengzda ngamq haep hwnj, daegnuengx youh daej lo, daxboh cijndei youh hwnq.

Gou cam daxboh: “Mwngz fanz mbouj fanz? Naet mbouj naet?” Daxboh nunu aenda nding de riu naeuz: “Aenndang naet, hoeng ndawsim angq, mwh mwngz iq gou caemh yienghneix ciuqgoq mwngz go.”

(ngeih nienzgaep Vuz Sinhyij)