Hwnjhag lo! Hwnjhag lo! Gou ndawsim gikdoengh dwk bae hag- dangz. Ngamq daengz bakdou hung hagdangz, couh raen hagdangz bienq yiengh lo, hagdangz yienzlaiz gaeuqget haenx seizneix bienq ndaej moqsag gyaeundei lo!

Haeuj ndaw hagdangz, sien ingj haeuj lwgda dwg aen cauhcangz gvangqlangh, seiqhenz ndaem miz gova’gveiq、govayilanz, lijmiz gova gofaex heuh mbouj ok coh haenx, gova’gveiq cingq haiva, daengx hag- dangz gyuemluemz heiq va rang- fwdfwd. Yi, diuzroq vwnzvacangz- langz baihhaenx dwg gijmaz? Gou gipmuengz buet bae yawj, laxlawz dwg gwnz ciengz sij miz saw《Diswjgveih》. 《Diswjgveih》 seizseiz daezsingj raeuz: Gangj laex dwg fuengfap ceiq ndei caeuq vunz doxgyau, son raeuz gaij vaih sibgvenq bae, laex daj ngoenz- naengz gwndaenj guh hwnj, daj gingq bohmeh, gingq lauxsae, gyaez gyoengqvunz guh hwnj, hawj raeuz daj ndawsim roxdaengz ndeicawq gangj laex, leih vunz leih geij.

Hagdangz baihbaek miz aen gyaqdomq youh sang youh hung ndeu, miz daizbinghbanghgiuz ganghvabohliz、lij miz haujlai yiengh doxgaiq guh dijyuz yindung gou mbouj rox coh haenx.

Ceiq hawj vunz angq haenx dwg moix aen gyausiz cungj rongh- sagsag, cungj cang miz banjhau, henz banjhau lij cang baenz daizlanghbaij, daengqdaiz cungj dwg moqsagsag. Hagdangz lij boiq miz dennaujsiz、duzsuhsiz、sizyensiz daengj. Dou gyoengq lwgnyez ndaw bya hix lumj gyoengq lwgnyez ndaw singz ityiengh, caen yiengjsouh daengz bingzyaenx gyauyuz swh- yenz, dou ndawzsim angq ndaej lumj gwn dangzrwi ityiengh.

Hagdangz moq, gyausiz moq, najriu moq, gou saenq ngoenzcog hagdangz itdingh engqgya ronghsag gyaeundei!

(指导老师 陆 芳)