Yienghneix gou couh veh hawj de.

  De yawj duz yiengz neix da mbouj yaep bae, naeuz:

  “Gou mbouj aeu duz yiengz neix, duz yiengz neix baenz bingh naek lai. Veh duz moq hawj gou.”

  Gou youh veh baenz duz ndeu.

  Baez neix de angqyoekyoek riu- nyumnyum, naeuz:

  “Mwngz gag yawj, duz neix mbouj dwg yiengzlwg, dwg yiengzdaeg, gwnz gyaeuj de lij miz gaeu dem.”

  Yienghneix gou youh veh mbaw ndeu.

  Hoeng mbaw neix goj mbouj habhoz de.

  “Duz neix geq lai, gou siengj aeu duz gyaeu ndaej nanznanz ndeu.”

  Gou mbwq liux lo,aenvihgoulijcoihfazdunggihfeihgeih,yienghneixgoucouhvehvak mbawndeu, lijnaeuz de nyi:

  “Aen neix dwg aenhab, duz- yiengz mwngz couh youq baihndaw.”

  Lwg vunziq neix riunyumnyum doiq gou naeuz:

  “Gou gyaez mbaw neix! Mwngz naeuz duz yiengz neix gwn nywj lai lwi?”

  “Vih maz yienghneix cam ne?”

  “Aenvih baih gou dieg iq lai……”

  “Gou veh hawj mwngz dwg duzyiengz iqet, dieg iq hix ciengx ndaej de go.”

  De depgyawj mbaw veh neix.

  “Goj mbouj iq geijlai ma……mwngz yawj! De ninz ndaek lo.”

Yienghneix, gou couh roxnaj lwg vuengziq neix lo.

  Sam

  Gou yungh haemq nanz seizgan cij rox de daj gizlawz daeuj. Lwg- vuengziq cam gou haujlai vwndiz, hoeng gou cam de gijmaz de cungj mbouj han gou, lumj dingq mbouj ndaej nyi nei. De seiz mbouj seiz gangj saek di vah cij ciemhciemh hawj gou rox gij saeh de. Lumjbaenz, de baeznduj yawjraen feihgih gou (youq gizneix gou couh mbouj veh feihgih gou okdaeuj lo, aenvih veh feihgih dwgrengz lai), couh cam gou naeuz:

  “Aen neix dwg doxgaiq gijmaz ne?”

  “De mbouj dwg doxgaiq, de rox mbin, dwg feihgih, aenfeihgih gou.”

  Gou lij ndaengndiengq naeuz de nyi gou rox hai feihgih dem.

  De nyi gou gangj le doeksaet dwk cam:

  “Gijmaz ha? Mwngz daj gwnz- mbwn doek roengzdaeuj ha? ”

  “W! Gou daj gwnzmbwn doek roengzdaeuj go!” Gou han de naeuz.

  “Yo! Ndei riu lai lo!”

  Lwgvuengziq riuhaha, gou cix hozhwnj lai lo. Gou dengnanh baenz- neix, de lij riu gou.

  Gvaq yaep he, de youh cam:

  “Yienghneix mwngz goj dwg daj gwnzmbwn roengzdaeuj ha? Mwngz youq aen singgiuz lawz ne?”

  （3）