Dahningz youq ndaw ban gig noix fazyenz. Gou cam de: “Yaek siengj hagsib engq ndei, hwnjdangz wnggai hagsib gijmaz ginwngz ne?” De naeuz: “Gojyij hagsib gij ginwngz gaenx fazyenz.” Gou naeuz: “Yienghneix raeuz hawj aen ginwngz neix an aen coh ndeu ba.” Dahningz naeuz: “Couh heuh ‘ginwngz rangz iq’ ba, aenvih gij yiengh gou yaengxfwngz couh lumj gorangz fwn doek gvaq le daj ndaw namh maj okdaeuj nei, sohsangsang.”

Yienghneix, dou couh dingh mbaw byaujgiva he, caemhcaiq aeu baez soq yaengxfwngz daj ngoenz baez daengz song baez, daengz sam baez; daj youq dangz suyoz de gyaez hwnj haenx yaengxfwngz, daengz youq gij goq wnq yaengxfwngz. Dahningz naeuz: “Liuz lauxsae moix baez cungj aeu lwgda de daeuj gujli gou fazyenz, gou lij yawjraen gyoengq doengzhag hix gujli gou ne!”

Doenggvaq mboujduenh lienhguh, Dahningz hoizdap vwndiz yied daeuj yied ak, yaengxfwngz hix engqgya cawjdoengh lo. Caemhcaiq youq baez hwnj dangzhung yijvwnz, de hix daihdamj yaengxfwngz hwnjdaeuj.

Dahningz haekfug gij mbeiiq de, yungh fuengsik haengjheiq hag rox le cawjdoengh yaengxfwngz fazyenz. Gyoengq doengzhag, raeuz hix daeuj sawqsawq ba! (Banh Yen)