Neix dwg haemh rumz hung fwn haenq ndeu, caenh gou boux dog youq ranz. Daxmeh bae hwnjban lo, seizneix cungj caengz dauqma.

Sawqmwh, sing lingz dienh- vah yiengj lo, yi, dwg daxmeh. Caenh dingqnyi daxmeh naeuz:“Lwgniq, daxmeh lumz daiq liengj lo, fwn hung lai, mbouj banhfap ma ranz, mwngz soengq liengj daengz gunghswh hawj daxmeh ndaej lwi?”

“W, ndaej ha, baijbaij!”Gou naeuz sat, dawz song aen liengj couh sikhaek ok dou, bae aen gunghswh daxmeh.

Va! Mwngz yawj gij raemx- fwn haenx baenz naed baenz naed youq gwnz deih dek lumj baenz duj baenz duj va nei. Gou it fwngz gaem it aen liengj byaij ha byaij. Yi, bakdou aendiemq mienhbau baenzlawz miz boux daegnuengx iq ndeu maeuq youq gizhaenx, gou byaij gvaqbae cam de: “Daegnuengx iq, mwngz vih maz lij mbouj ma ranz ni?” Daegnuengx iq ngonz gou, yaemhywx yaep he naeuz: “Daxmeh heuh gou cuengqhag le youq bakdou diemq mienhbau deq de, gou deq haujlai nanz lo, de lij caengz daeuj. Gou siengj ma ranz, hoeng fwn doek lo. Gou caen nit, gou caen siengj ma ranz. Vu—Vu—” Gangj sat de doq daej lo. Gou yawjyawj song aen liengj ndaw fwngz naeuz: “Haenx……haenx dahcej ciq liengj hawj mwngz, ngoenzcog mwngz caiq daeujdaengz gizneix boiz liengj hawj gou, baenz lwi?” “Do……docih dahcej, gou ngoenzcog itdingh……itdingh boiz liengj hawj mwngz!” Daeg- nuengx iq haenx doq gangj doq byaij lo.

Gvaq haujlai nanz, gou cij byaij daengz aen gunghswh dax- meh. Daxmeh raen gou ngamq dawz aen liengj ndeu couh cam:“Baenzlawz ngamq dawz aen liengj ndeu ni? Mbouj dawz song aen ha?” Gou lau daxmeh ndaq gou, ndawsim miz di lau naeuz:“Gou ciq hawj daeg- nuengx iq aen ndeu lo.” Dax- meh yawj gou mbat ndeu, gag danq gaemz heiq. Mbouj miz banhfap, dou cij ndaej caez yungh aen liengj ndeu lo. Sawqmwh, gizgyae hai daeuj gyaq gyauzceh ndeu, aenci dingz youq dangqnaj dou. Caenh raen ndaw cuengci miz laeq lwgsai ndeu naeuz:“Dahcej hung, daxheiz, vaiq hwnj ci, dou soengq sou ma ranz!” Laxlawz dwg boux daeg- nuengx iq haxbaenh. Yiengh- neix, gou caeuq daxmeh couh naengh aenci gyoengqde ma ranz lo.

Bangcoh bouxwnq hawj gou roxnyinh vaiqlag dangqmaz, gyoengqvunz ciengzseiz naeuz bouxndei cungj ndaej nyangz bouxndei, mwngz bangcoh gvaq bouxwnq lwi?

(bouxsij Liuz Haijyungz bouxhoiz Goenggen)

乐于助人