Ngoenzsinghgiz, cij miz gou boux dog gag youq ranz, caen dwg angq lai lo! Gou yaep ndeu yawj densi, yaep ndeu gwn saejdaeuz, yaep ndeu roengz laeuz bae caeuq gyoengqdoih guhcaemz.

Cingq guhcaemz ndaej yinxdaeuz, gou yawjraen boux vunz dasug he byaij gvaqdaeuj, lumj dwg daxmeh gou! Gou ganjgip buet hwnj laeuz bae, guhyiengh lumj “sij” cozyez nei.

Gou aenda yawj dwk gobwnj, ndawsim gag siengj: Daxmeh dwg mbouj dwk yaek dauqma lone? Daxmeh haxbaenh yawj mbouj yawj raen gou ne? Seizde, cienz daeuj sing bek dou. Gou ganjgaenj ndwn hwnj gwnz daengq, ndomq conghdameuz gwnz dou, yawj baihrog dwg byawz, dwg daxmeh dauqma dahraix.

Daxmeh mbat haeuj ranz couh byaij haeuj aenrug gou, yawjraen saw caeuq cozyez biengj hai dwk, riunyumj naeuz: “Sij cozyez couh ndei.”

Mwhde, gou cungjsuenq soeng gaemz heiq ndeu lo, caeklaiq mbouj deng daxmeh fatyienh. Baezlaeng mbouj gamj caiq yienghneix lo.

(ngeih nienzgaep Vuj Liujyez)