Boh gou heuhguh Vangz Yungj, dwg boux suyoz lauxsae daeggaep ndeu. De cungj daep fouq gingqda ndeu, gyoengqvunz hix ciengz raen de gyang fwngz gaem saw, lajeiq hix geb saw, yawj daeuj couh lumj boux “vunz- mwnh” nei. Hoeng, danghnaeuz mwngz hix nyinhnaeuz boh gou couh dwg boux “vunzmwnh” cij rox son saw、cij gyaez yawj saw ndeu, mwngz couh loek lo. Boh gou ndang sang、baenzmbauq、gyaez gangjriu, gij vah daj gyang bak de gangj okdaeuj ciengz daeuq ndaej gyoengqvunz riuhaha. Gyoengq boux rox boh gou haenx cungj naeuz de dwg boux cienz- caiz ndeu, baizgiuz、lamzgiuz、yij- mauzgiuz de yienghyiengh cungj rox; veizgiz、geizciengh de ak gvaq vunz; buet、diuqsang、diuqgyae de ceiq maenh; cujciz、yienjgangj de hix guh ndaej soengset, engq mbouj yungh gangj sonsaw sonvunz lo.

Boh gou miz aen sibgvenq “mbouj ndei” ndeu, mwh raen gou de cungj dwg saeknaj yiemzsuk, najbyak nyaeuqnyat, gou cam de vih maz baenzneix yiemzsuk, de cungj naeuz, gaej gangjgoj, gou cingq naemj saeh ne. Boh couh dwg baengh gij cingsaenz ndonj caeuq nyangq neix, moix bi youq cazci bauqceij daengx guek gwnzde fatbiuj le bak lai bien faenzcieng.

Yienghceij boh gou yienz- naeuz yiemzsuk, hoeng de guh- vunz gig simndat, de cungj dwg siengj banhfap bae bang vunz, cingznyienh bonjfaenh gwnvei gwnhoj. Mboujlwnh dwg gungh- yinz、bouxguhnaz, cijaeu de bang ndaej hwnj, de couh caenhrengz bae bang, coengzlaiz mbouj naemj daengz bonjfaenh ndaejsaet. Geij bi neix ndaej daengz boh gou hawj ngaenz bangcoh, sam seiq boux daeggo、dahcej ndaej swnhleih bizyez, byaij haeuj giemxdou daihhag……

Boh gou couh dwg yienghneix boux vunzndei ndeu, boux fouzsei gungyen youh simndat ndeu.

(bouxsij Siz Veibingh boux- hoiz Ouh Caijfangh)