Ndwen 3 ngoenz 18 dwg liggaeuq ndwenngeih co- ngeih, Lingzyinz Yen Swcwngz Cin Ginhbauj Cunh Mbanjyauz banh aen hozdung minzsuz vwnzva “ndwenngeih co’ngeih lungz ngiengx gyaeuj”. Lungz ngiengx gyaeuj, couhdwg binaengz liggaeuq ndwen- ngeih co’ngeih, heuh “ciet ndaemcin”“ciet hongnaz”“ciet lungzcin”, dwg ngoenzciet conzdungj Yauzcuz Lingzyinz Yen, youq ngoenzneix beixnuengx Yauzcuz dangdieg caeuq vunzlai Yauzcuz mbanj henzgyawj ndang daenj buhvaq moqsag doxcomz giz ndeu, ciengqgo diuqfoux, gingq lungz gouz raemx, muengh bi moq fwn yinz rumz swnh、lohloh guh baenz, yienhciengz yinx ndaej haujlai bouxhek daeuj yawjngonz minzsuz. Ndaw doz dwg beixnuengx Yauzcuz yienj minzsuz cezmuz.

(Loz Hihhaij/罗希海)