Mwh it nienzgaep, gou hainduj hag dik cuzgiuz, nauh ok haujlai vahriu.

Miz baez ndeu lienh giuz, giuzyenz doih gou cienz giuz hawj gou, aengiuz mbin coh aendungx gou, gou deng hwk dwk cienq ndang couh buet. Hoeng giuz mbin ndaej beij gou buet vaiq, mbat saemxsax, gou deng laemx boemzhoemj lo. Gyoengqdoih youq henz riu dwk bouxboux got aendungx.

Lij miz baez ndeu, gyaulen heuh dou lienh gyaeuj dingj giuz. Ngamq hainduj, gou mbouj rox baenzlawz lienh, couh dawz aengiuz vut hwnj daegbied sang, yienzhaeuh ngiengx aen- gyaeuj daeuj dingj, doeklaeng, aengiuz gig rengz doek daengz gwnz naj gou. Gyoengqdoih riu dwk ga unq bae.

Gou cix mbouj aenvih yienghneix deng hwk le mbouj lienh giuz, gou moix ngoenz genhciz lienh giuz, gisuz dik giuz dingj giuz gou ngoenz beij ngoenz ndei. Seizneix gou gaenq mbouj caiq nauh ok gij yiengh hawj vunz riuz haenx lo.

(ngeih nienzgaep Swng

Cicwnz)