Youq gyanghongh ranz mehheiz, miz go faexva’gveiq sanghung ndeu. Daj gyae muengh bae, lumj duj raet hung ndeu. Byaij gyawj sijsaeq ngonz, mbawfaex heusoemsoem haenx, mbehai coh seiqmienh, lumj- baenz cengqhai aen liengj hung ndeu.

Gwnz nyefaex deihdwddwd haenx, maj miz gij mbaw saek heugeq, mbaw dep mbaw. Gou sijsaeq cazyawj, fatyienh miz mbangj gaenq did ok mbaw moq, oiqsubsub; miz mbangj gwnz nyefaex did ok gij ngaz iq saek henjoiq haenx, de lumjbaenz deq mbouj gib siengj iet gyaeuj okdaeuj yawj, yawjyawj aen seiqgyaiq gyaeundei neix.

Duzroeg douh youq gwnz nye- faex, heuhceuceu, lumjbaenz cingq ciengq gij go ndei dingq nei.

Gou dinghdingh ndwn youq laj go faexva’gveiq, ngonz mbawfaex heu, dingq duzroeg heuh, lumjbaenz yawjraen seizcou gimhenj haenx, gij vahenj iq hai rim baenz go faex haenx, duzrwi mbin daeuj aeu dangz, duzmbaj hix mbin daeuj, heux dujva diuqfoux, gyaeundei raixcaix.

Neix dwg go faexva’gveiq mwn- cupcup ndeu, go faex maezvunz ndeu!

(bouxsij Denz Lingyiz boux- hoiz Goenggen)