1 nyied 14 hauh, youq Yungzsuij Myauzcuz Swciyen Minzcuz Dijyuz Gunghyenz, dangdieg Myauzcuz vunzlai gawjhengz “boq venz maxdoxdik coux Bi’myauz” hozdung, doenggvaq boq venz diuq fouxcaijdangz、Myauzcuz golaux ciengq Cibgouj Daih cingsaenz、maxvuengz doxdax daengj minzsuz conzdungj hozdung, angqhoh ciet conzdungj “ciet Bi’myauz” daeujdaengz.

Ciuq cam rox, ciet Bi’myauz dwg aen ciet vunz Myauzcuz gvaq ndaej ceiq hoenghhwd he. Saedceij gvaq Bi’myauz gak dieg cungj mbouj doxdoengz, hoeng cungj dwg sou haeux haeuj cang gvaqlaeng, couh dwg liggaeuq gouj、cib roxnaeuz cib’it nyied gawjhengz.

(Veiz Dingjbyauh/韦鼎标)