Bi’gvaq, Lozcwngz Mulaujcuz Swciyen gaenxmaenx yinxhaeuj aen giyez yungh vunz guhhong lai he haeuj “mbanjranz Mulauj” roengzngaenz banh cangj, ndaej buqgej aen nanzdaez guhhong hohsenjranz senjdieg banggungz haenx.

Ciuq cam rox, Lozcwngz Sunghswngh Denswj Gohgih Mizhanh Gunghswh dwg gya giyez daih’it haeuj “mbanjranz Mulauj” an- gya comzyouq giz senjdieg banggungz Lozcwngz, dangqnaj ndaej daezhawj 1000 aen gangjvei guhhong, ndaej hawj buek vunzlai banggungz senjranz haenx youz nungzminz bienqbaenz canjyez gunghyinz, saedyienh youq bakranz guhhong.

(Mungz Cwnghswh/蒙增师)