1 nyied 13 hauh, youq Vanzgyangh Mauznanzcuz Swciyen Swh’wnh Cin Cwnz- sangh Cunh Mbanjsanghloz, Mauznanz、Myauz、Yauz、Cuengh、Gun daengj gak cuz vunzlai angq comz youq itheij, ciengq go diuq foux angqhoh makgamdiengz ndaej fungsou.

Aen mbanj neix banh mbat ciet makgamdiengz neix, iucingj seiqhenz mbanj 14 aen doih vwnzyi daeuj biujyienj, diuqfoux、eufwen、siujbinj daengj heiq doj cibcuk. Doengzseiz lij banh “gwn makgamdiengz” doxdax.

Gaenh geij bi neix daeuj, Cwnzsangh Cunh aeu ndaem makgamdiengz ma guh cujdauj canjyez, ndaem gomak menciz dabdaengz 6431 moux, ranz ndaem mak gai mak bi souhaeuj 5 daengz 15 fanh maenz. Aen diegguhyiengh “bya va haij mak youqndwi nungzyez” youq bi’gvaq ndaej bingz guh “Guengjsae diegguhyiengh sam- singgaep daegsaek nungzyez ciuhneix”, ndaej saedyienh nungzyez dem yauq、nungzminz demsou、lajmbanj dem heu, vih dwk hingz ciengz ciengq gunggeng banggungz demh ndei giekdaej.

(Cwnz Gvanghgoh/陈光科)