Ndwen gonq 29 hauh, Vanzgyangh Ya- nanz Yangh cung siuj hagseng lauxsae 500 lai vunz, angqvauvau comz youq Yananz Yangh Siujyoz, hoenghhwd gawjhengz minzcuz vwnzva haeuj hagdangz nem 2018 nienz yenzdan vwnzyi comzyienj hozdung.

Vwnzyi comzyienj youz Yananz Cunghsinh Siujyoz、Yananz Cunghyoz、Mauznanz Sanhniengz Yisuzdonz caeuq gyoengq yenjyenz Mbanjnanzcangh daihcaez biujyienj, doenggvaq biujyienj《Foux Gyaepvaduk》《Nyez Mauhngeg》《Lwghag Mauznanz》《Go Couxhek Mauznanz》daengj baenzdauq biujyienj gig miz Mauznanzcuz conzdungj daegsaek haenx, sawj gyoengq hagseng lauxsae youq yawj Mauznanzcuz vwnzva yisuz ndawde ndaej yiengjsouh saemj gyaeundei、son dauhleix caeuq simlingz gyaeundei, mboujduenh daezsang lauxsae hagseng rox Mauznanzcuz minzcuz vwnzva, yienghneix cijndaej engq ndei swnjcienz caeuq hoengzyiengz minzcuz vwnzva maenhndei.

(Liuz Ai/刘 爱)