1 nyied 1 hauh daengz 7 hauh, gaiq daih’it langhbaij mbawveh labnyumx youz Yungzsuij Myauzcuz Swciyen Vwnzva’gvanj cawjbanh, Yungzsuij Cizyez Gisuz Yozyau ciepbanh haenx youq aen yienh neix Vwnzva’gvanj gawjhengz, ngoenz daih’it couh miz sam bak lai boux cung siuj hagseng caeuq bouxyawj yawjngonz le langhbaij.

Mbawveh langhbaij le gyoengq hagseng lauxsae it bak lai fuk mbawveh cujyau aeu va roeg、vunz、daengngoenz、raemx bya、 donghvenz daengj ma guh veh haenx, miz hingzsik conzdungj caezcingj mbawveh, hix miz yisuz cauhguh gvaqbouh bienqhingz haenx；miz yizsuzbinj souyo dij cienz, hix miz daeh mauh daengj saedceij yunghdawz. Mbawveh langhbaij cozbinj neiyungz fungfouq、hingzsik lai yiengh、noengzdamh caez yawj. Yienhciengz lij miz beizyinbanh lauxsae hagseng gangjgej caeuq langhyienj gunghyi guh labnyumx, yiengq vunzlai langhbaij minghhoengh yisuz gagdog Myauzcuz labnyumx.

(Maj Cunghvaz/马忠华)