Ndwen gonq 29 hauh, 2017 Cungguek·Ningzmingz Byaraiz vwnzva lijyouz doigvangq senj bouxdasij nem Cungguek—Dunghmungz ndangdaenj minzcuz sezgi doxdax daengx guek cungjdoxdax aeu “rumz Loegvet·yinh Byaraiz·cingz Dunghmungz”ma guh cawjdaez haenx youq Ningzmingz Yen Byaraiz Vwnzva Gvangjcangz gawjhengz.

Daj 2017 nienz 12 nyied 9 hauh guh doxdax gvaqdaeuj, ginggvaq gak dieg codaeuz doxdax, daj bonjdieg caeuq Namzningz、Hwzlungzgyangh、Gyanghsih、Huznanz daengj daengx guek gak dieg gungh miz 32 boux senjsouj ndaej haeuj cungjdoxdax. Doengh boux senjsouj ndaej camgya doxdax haenx cungj faenbied langhyienj le byaijloh、langhdoeg、ciengqgo diuqfoux daengj caizyi cing ndei, doxdax yienhciengz gyuemluemz minzcuz fwnveiz naekna caeuq seizhwng heiqsik.

Ginggvaq haenqhwd doxdax doxbeij, ndaej faen ok cuj lwgnyez、cuj bouxcoz gvan’ginh.

(Couh Yizgangh/周贻刚)